Il-Logħob
Ser nagħmilha pubblika NOGĦOD.NILGĦAB.MAT-TFAL!!!
Jekk tgħidli biex nagħmlu l-arti u krafts, jew il-mixjiet u morru l-baħar mhix problema, imma logħob le. Għidtha!
Il-biċċa hi, li tant niffoka fuq il-fatt li ma nixtieqx nilgħab, li anke meta ngħid iva, nispiċċa ma nkunx preżenti …. jew noqgħod nuża l-mobile jew sempliċiment immur fis-sħab (bħal naħseb li kieku qed nikteb din il-post!). Din hi xi ħaġa faċli immens biex issir….speċjamlment jekk jgħiduli noqgħod immexxi karozza dawra tond fuq it-trakka u xejn iktar!
Pero jiġu mumenti bħallum, fejn iddeċidejt li nkun vera preżenti mat-tifel. Iva, kien ta’ dwejjaq u ma kienx daqshekk ta’ dwejjaq kif ħsibt u anke ħadna gost flimkien. Dħakna u ġrejna wara xulxin u għamilna t-tlielaq tal-karozzi u ħabbejt il-konessjoni li bnejna f’dak il-mument. Is-sabiħ sempliċi li tqatta’ l-ħin flimkien.
Allura, qed nibda nfakkar lili nnifsi biex ma ninsiex il- qawwa tal-logħob, li tibni konessjoni.
